話明hea遊所以我哋成12點先嚟到Singapore Zoo, 得半日時間要睇動物又要玩水, 餵動物的表演時間就唔到, 只好集中睇動物. 幸好我哋未去過長隆動物園無比較, 見到呢度d動物同我哋無障礙接觸真係好興奮, 可惜天氣太熱, 翀翀行一陣已經濕晒:p 我哋邊行邊坐遊覽車參觀, 唔記得坐船環島遊一圈, 浪費咗$$. 今日最最最.......開心係翀翀第一次騎馬, 我哋本來都有少少擔心佢唔肯坐, 意想唔到佢竟然好主動騎上隻白馬, 翀翀即時變身白馬王子:-) 叔叔帶佢行一圈返嚟全程都無驚無扭計, 我同翀爸都開心到飛起, 翀爸仲搞笑話比佢學騎馬, 哈哈^^ 走時翀翀指住另一隻馬想騎上去, 最衰我哋趕住玩水帶佢走, 諗起都後悔, 下次我一定比翀翀玩多幾次. 動物園另一個焦點一定係水上樂園, 我哋應該早d嚟玩, 玩得一個鐘完全唔夠喉.

今次係我第一次嚟Singapore, 諗住點都要睇吓隻獅子, 翀爸講到明好老土唔好去但係我都堅持要去睇, 去到先知"她"被一間酒店包圍住, 唔明點會有人住呢間酒店, 成晚對住隻獅子好奇怪. 晚飯在One Fullerton的海旁餐廳食飯, 原來晚上的Sands Hotel有激光表演, 翀翀本來瞓咗都起身睇到眼定定, 結果我哋睇咗兩次先返酒店. 今日真係好勀!!