從來都唔鐘意去新加坡, 當年只係去Maldives轉機在機場行一轉已經覺得好悶, 今次去唔到日本旅行正好有籍口比我哋一家三口去一次新加坡玩, 原來新加坡唔係想像中咁差, 翀爸去過幾次工幹都話好悶, 可能我哋去得4日咁短好多地方都無去所以覺得好玩, 翀爸堅持留多兩日會悶c. 我又唔係咁睇, 可能會去埋雀仔公園, 去多次Singapore Zoo, 因為翀翀勁鐘意個水上樂園同騎馬(係騎真馬, 估唔到佢咁大膽) 我可能會為咗個Zoo去多次新加坡都唔定, 呵呵! ^^ 因為懶執行李, 我哋住足3晚Marina Bay Sands Hotel, 間房好大好新, 個景好正, 泳池更正, 本來一去到酒店已經想去游水, 但係翀爸話last day先去, 有多d時間, 佢想行吓個mall搵野食. 如果唔係帶住個仔, 我會游夜水, 唔好浪費個靚泳池.