4月4日兒童節全日遊Universal Studios, 一去到已經好熱, 翀翀未停過流汗. 入場後第一時間睇4D Shrek, 成套戲跟大阪Universal Studios和Goldcoast(不是Universal Studios)的一樣, 雖然"0"驚喜但係翀翀未睇過我哋都睇得好開心. 翀翀睇完Shrek以為佢無咩感覺, 原來佢好鐘意一見到真Shrek即刻開心到不停彈仲笑晒口手指指, 估唔到阿仔d品味咁獨特.^^ 睇完4D翀翀就瞓覺, 翀爸好大方地比我一個人玩Mummy過山車, 佢就負責睇住個仔. 我生仔之後玩呢類機動遊戲已經無以前咁大膽, 竟然驚到拖住旁邊唔識嘅女仔壯膽, 叫到傻之後搵番翀爸見翀仔仲未醒又去玩多次Mummy. Mummy有點似大阪的Spiderman, 但係我好肯定Spiderman好玩好多. 跟住再一個人玩最多人嘅Jurassic Park, 講真係好失望, LA的Jurassic Park好玩好多, 唔明點解咁多人排隊玩.

翀翀足足瞓咗個半鐘先起身, 我哋見有一個過山車好似幾小兒科翀翀又岩岩夠高就諗住一齊玩, 我問咗兩次有無危險, 佢哋都答No, 但係到我哋見到架車的安全帶只係保住條腰, 架車開得快又打側衝落斜即刻決定縮沙, 翀翀有咩事我c幾次都原諒唔到自己>.<. 縮沙事件好快又重演, 當我一個人走去玩紅藍兩條過山車時竟然臨陣縮沙, 人大咗生埋仔真係會細膽d, 以前呢d遊戲我當食生菜, 比老公笑我無復當年勇. 之後我拍拍心口玩咗一個簡單d嘅吊腳過山車算係補番少少面. 我哋由11:45玩到7:00樂園收工, 總結係Disneyland較適合比小朋友玩. ^^