Farið var frá Reykjavík að kvöldi 20. apríl og haldið inn í Hrauneyjar, þar sem var gist. Á sumardaginn fyrsta var haldið sem leið liggur inn í Jökulheima, upp á Grímsfjall og í Kverkfjöll. Farið var inn með Ljósufjöllum og var færið gott. Austan við Grímsfjallið var þungt færi, en það léttist þegar sá norður af. Gist var í tvær nætur í Jörfa og síðan haldið austur fyrir Kverkfjöll og tekið bað í Hveragili. Þaðan var farið austur Brúarjökul og í Snæfell. Við vorum svo heppin að hitta Þórhall Þorsteinsson svo við komumst inn í Snæfellsskála. Á sunnudeginum var haldin stysta leið niður Skálafellsjökul og eftir þjóðveginum í bæinn.