Day 3

神山第一擊

零晨 04:45 起床, 05:30 落樓集合, 先出down town麗都茶餐廳"擦"個喇沙當早餐 !!雖然“麗都”的喇沙很不錯,但係我倆反而認為干燒伊面更勝一籌 . 06:30 吃飽飽後順道行行跳市場, 發現有好多華人小販檔, 佢地整既早餐買相都唔差, 但之前食個喇沙仍然頂住個胃, 最後同佢地都係 “緣慳一面”

接載我地到Kinabula公園 Headquarter (約海拔1000米)既專車係07:45到達. 因Kinabula HQ約海拔1000米高, 一下車後我地已經感受到陣陣涼風, 保守估計溫度比阿庇市低若10度. 我地都急急換番條長褲. 轉眼間Mountain Guide 出現, 簡單寒兩句、再拿埋過個lunch box、為背包帶上雨襟，09:30 就經起點Timpohon Gate 出發.

神山第一日行程主要要爬昇1407m, 我地09:30 由1,866米出發，用了4小時30分便到達海拔3273 米*Laban Rata 旅館.

經簡單三角幾何計算, 神山的平均傾斜角約為 13.5度. 要係4小時爬昇1407m, 絕對唔容易 !! 所以上山時記住要慢慢上, 每到一個checkpoint (約1 km) 要休息同飲水. 同埋必定要帶雨具, 例如傘子、 雨衣、 Gore-tex 風褸等. 因為山區氣候變幻無常. 早上天晴, 下午突然間狂風大雨也是十分平常之事. 好似我地係第二日下午落神山時, 上午還陽光普照, 下午就落了場大雨. 另外, 上山不得不帶的, 就係手套同頭燈. 因為零晨登山時, 除了“手腳並用” 之外, 好多地方都要靠打在石坡上的白色麻繩“拉自己”上山. 所以一對手套同頭燈就“非有不可”. 俾多一個溫馨提示大家: 若禦寒衣物不足夠的話, 不妨“借埋”旅館的毛毯一起登頂 !! 點解 ? 一來毛毯絕對係你在Low’s Peak 寒風澶烈下觀日出的最佳partner, 二來回程時一定會途徑入住旅舍, 所以不用害怕要將毛毯帶埋落山.

總括來說, 可以用“有驚無險”來形容神山之旅: 整個登山路線最驚險的地方, 莫過於下山時要頭向天、背向地依靠登山繩以游繩(absailing) 的方式下山. 除此之外, 整個行程都不算太危險; 而最辛苦的, 莫過於由3273m 的Laban Rata直 剷”落 1866m 的登山入口 !! 因為整條下山道就如一條鈄線,不斷落山落山落山再落山, 所以對膝頭負荷極重 !! 係上完神山睇日出之後, 我地雙腳大腿小腿肌肉每次上落樓梯時都會向我地"大聲疾呼", 慘痛非常 ! 所以奉勸大家一句, 係上山之前兩個星期盡量每日抽30分鐘做腿部重量訓練運動, 唔好“臨急先至抱佛腳” 如果因體力不繼上唔到山, 或是登山之後果幾日隻腳“嚴重癱瘓”而不能外出遊玩, 那就掃慶非常啦 !!

*其實係神山山腰除了除Laban Rata外，還有好幾間主宿地方, 分別為Gunting Lagada1n Hut, Panar Laban Hut, Wara Hut, 但是它們與 Laban Rata一樣, 全都是屬於Sutera Sanctuary Lodges集團 .

上到神山後, 我地被分配入住 Gunting Lagadan Hut. 當我們入房放低行李後, 一個箭步入沖浪房洗澡時, Oh My God, 原來輸電出現問題, 暫停熱水供應, 我們唯有硬著頭皮用”冰水”抹身就算.

16時30分, 鐘聲響起, “晚飯’ buffer 開始!! 點解甘早食 dinner ? 因為零晨 02:00 就要起身登頂睇日出