All images subject to copyright. Permission to copy or reproduce in any format must be sought from Keith O'Brien by emailing keithobrien@ukgateway.net

Pererindod i Frwsel / Douai / Pilgrimage to Brussels / Douai
5–8 Mai / May 2010
i ddathlu 400 mlwyddiant merthyrdod Sant John Roberts, Trawsfynydd
to celebrate the 400th anniversary of Saint John Roberts’ martyrdom

O dan arweiniad / Under the leadership of:
Esgob / Bishop Edwin Regan (Yr Eglwys Gatholig / Catholic Church)
Canon Andrew Jones, Deon / Dean Llyn ac Eifionydd, (Yr Eglwys yng Nghymru / The Church of Wales)
Parch. / Rev. Pryderi Llwyd Jones (Eglwys Bresbyteraidd Cymru / The Presbyterian Church of Wales)

5 Mai / 5 May 2010
Glaniodd yr awyren ym Maes Awyr Brwsel am 1.00 p.m. ac oddi yno fe aeth y pererinion i ymweld a chwrdd â Jill Evans, Aelod Senedd Ewrop o Blaid Cymru, yn y Senedd Ewropeaidd. Cafwyd derbyniad gwresog ganddi a chyflwynodd Canon Andrew Jones llun eiconaidd o Sant John Roberts iddi.

6 Mai / 6 May 2010
Gadawyd y gwesty ym Mrwsel am Douai, Ffrainc gyda Romero wrth y llyw. Cafwyd taith dywys ar droed o gwmpas Douai. Gwerthfawrogwyd canu clychau Clochdy Neuadd y Dref oedd wedi ei ddarparu yn arbennig ar ein cyfer gan Gyngor y Ddinas a Chymdeithas William Allen (Douai).
Cerddwyd ar hyd strydoedd cysylltiedig â’r Benedictiaid gan ddiweddu ar safle Athrofa Coleg St. Gregory a sefydlwyd gan Sant John Roberts, sydd bellach yn Goleg Trydyddol.
Am 6.30 p.m. cynhaliwyd Offeren yn y Gadeirlan yn Douai gyda chymysg o glerigwyr o Gymru a Ffrainc yn cymryd rhan. Roedd cynulleidfa haeddiannol o tua 300 yn bresennol gan gynnwys Côr y Gadeirlan. Diddanwyd y gynulleidfa ar y diwedd gan Gôr Utgyrn Helfa Douai. Bu i Timothy Hughes gael y fraint o chwarae’r organ sydd newydd gael ei hadnewyddu ar gost o bron £500,000.
Ymunwyd â Chymdeithas William Allen mewn derbyniad yng Ngholeg Sant Jean ar ôl yr Offeren pryd y bu i Esgob Regan gyflwyno llun eiconaidd o Sant John Roberts i Pascal Pechard.

7 Mai / 7 May 2010
Bwriadwyd cael diwrnod llawn yn Ypre ond yn anffodus roedd y ddinas wedi ei chau i drafnidiaeth oherwydd Ras Beiciau.
Ymwelwyd ag Mynwent Artillery Wood a chafwyd gwasanaeth byr dan arweiniad Parch. Pryderi Llwyd Jones ar lan bedd Hedd Wyn. Yna, ymlaen i’r Hagebos, Langemarck, i weld Plac a ddadorchuddiwyd 1992. Canwyd yr Utgorn wrth faner Cymru. Cafwyd ychydig eiriau gan Isgoed Williams cyn croesi’r ffordd i’r caffi sydd bellach gydag Arddangosfa Parhaol am Hedd Wyn, ble cafwyd gwledd i fwyta a choronwyd y cwbl gyda dwy gacen wedi eu haddurno gydag enw a llun Hedd Wyn.
Gwerthfawrogwyd anerchiad teimladwy gan Lieven Dehandschutter yn y caffi gan iddo egluro sut y bu iddo ddarganfod a chael ei gyffwrdd gan hanes Hedd Wyn.
Oherwydd cyfyngder amser, bu’n rhaid i Keith, Glynda, Parch. Aled Edwards a Ceris Gruffydd, wahanu oddi wrth y pererinion eraill i fynd gydag Lieven i Fynwent Newydd Vlamertinghe i ymweld â bedd Lance Corporal Ellis John Jones (sef hen ewyrth i Glynda) a drengwyd ar 27 Awst 1917.
Bu i’r gweddill y pererinion ymweld â Thalbot House, Poperinge, a chynnal gwasanaeth yn y Capel yno.
Am 6.00 p.m. gwahoddwyd y pererinion i Dderbyniad Dinesig gan Maer Douai i lansio’u Dathliadau 400 mlwyddyniant y Sant yn Douai. Cyflwynwyd llun eiconaidd o Sant John Roberts i gynrychiolydd y Maer sef Marie Delecambre, gan Esgob Regan. Bu i’r seremoni parhau drwy rannu anrhegion i’r holl bererinion gyda llyfrau arbennig i’r arweinwyr ac aelodau’r Gweithgor 400 mlwyddiant.

8 Mai / May 2010
Wedi taith hynod ddiddorol a phrysur, ffarweliwyd â Douai am 5.30 a.m. gydag atgofion melys a gwerthfawrogiad o garedigrwydd a chroeso ein ffrindiau yng Ngwlad Belg a Ffrainc.