Að þessu sinni var gert út frá Viðfirði. Á leið austur kom ég við á Fáskrúðsfirði, þar sem ég skildi litla manninn (Egil Loga) eftir hjá vini sínum og fyrrum bekkjarbróður, og náði svo í hann á leið heim aftur. Í Viðfirði vorum við ellefu saman, þar af þrjár skyttur með leyfi á þrjá tarfa. Þeir féllu allir fyrir hádegi á föstudag. Flegið var og grófunnið á Eskifirði á laugardag og síðan haldið til baka í Viðfjörð, grillað, sánað og tendrað í arni. Síðan var eiginlega tíðindalaust...