Kjötkveðjuhátíðin hefur nú runnið sitt skeið. Þetta voru fimm dagar, með skemmtunum allar nætur og í stærri borgum allan sólarhringinn. Í stórborgunum eru skrúðgöngur með miklum glæsibrag og hundruðum þúsunda áhorfenda og enn fleiri heima í sófa.
Ég fór út allar næturnar nema þá fyrstu og fór ásamt bróður mínum til nágrannabæja, því Mococa þykir frekar slöpp fyrir Carnaval. En ég nýtti vel allar hinar næturnar. Því miður hef ég engar myndir af alvöru Carnaval enda svolítið hættulegt að fara með myndavélina út á nóttunni.
En ég tók nokkrar myndir af Matinê sem er einskonar skemmtun yfir miðjan daginn hugsuð fyrir þá yngri. Þar var sama hljómsveit og var um kvöldið og allt á sama stað, eini munurinn var bara sá að þeir yngstu voru 6 ára og þeir elstu 14.
