Á föstudaginn langa var hin hefðbundna Píslarganga Hestlendinga. Veður var mjög hagstætt, nokkurra stiga hiti og hægur en frekar kaldur andvari af norðri, þurrt að mestu. Góð þáttaka var og höfðu allir gaman af. Lesið var upp úr Passíusálmunum á áningarstöðum. Boðið var upp á snafs sem sumum þótti bragðgóður en öðrum þótti þessi drykkur sérdeilis vondur og var þá sagt við þessa vanþakklátu einstaklinga að þarna hafði þeim hlotnast enn ein píslin þennan dag.