Farið var frá Landeck um morguninn og hjólað upp með Inn. Framundan var hækkun upp á 700 m og ca 80 km vegalengd. Dalurinn er þröngur en aflíðandi og góðir hjólastígar. Hjólað var inn í Sviss áður en lagt var í aðal brekkuna upp að Reschen skarði, sem er um 500 m hækkun. Brekkan vannst hægt og sígandi og gott var að fá hressingu í Nauders, sem er þorp rétt fyrir neðan skarðið. Þegar upp í skarðið var komið voru enn eftir 20 km en þeir reyndust auðveldir og stór hluti undan brekkunni. Þegar upp var staðið varð þetta 87 km dagur.