BOTA PINUE kuadrillaren karroza
Euskal Herria
Lauburua
Lauburua. Izenak adierazten duen bezala, lau buru biribil dituen gurutze itxurako ikurra. “Lau” buru, hainbat aburu bai, baina guretzat gurea, gure herria, bihotzean daramaguna. “Lau” aniztasunaren ikur; gure kultur, kirol, ingurumen zein gastronomiaren aberastasunaren ikur. Eta erdian, EUSKARA; “eus-kaldun egiten gaituena”. Egin diogu, euskaldun jaio baino egin egiten delako, eta oraindik ere egiten jarraitu behar dugulako. Lan horretan ezinbestekoa izan da urteetan izan dugun hizkuntza eta kultura transmisioa. Horren erakusgarri “Xabiertxo”, Ikastolen lehendabiziko urteetan erabili zen euskarazko lehen testuliburuetako bat. Izan zirenen, direnen, garenaren eta izango direnen harrotasunaren ikur gure aurtengo karroza. Ez dadila haria eten. Gora Euskal Herria!