TOZ koadrilaren karroza

"Euskal musika tabernetan!"

Majo lo eginda edo aje jasangaitzari aurre egin ezinda esnatzen gara Euskal Jai egunez, baina ilusioz beti. Kontua da igande honek baduela halako eragin terapeutiko bat, erlijioz euskalduna dena harro sentiarazten duelako, euskaldun praktikantea izan zein ez. Era honetan, mingaina aspaldi euskaraz jantzi ez duenak soina baserritarrez janzten du eta tabernek euskaraz jartzen dute musika, horietako askotan kanta gehienak espainolez eta ingelesez entzun ahal izan direnean urte osoan zehar.
Ondorioz, egun seinalatuetan soilik topa badezakegu euskara bozgorailuetan, ulertzekoa bezain tristea da musika mota bakar bat identifikatzea “euskal musika” hitzen atzean: Alaitz eta Maider, Sorotan Bele, Gozategi... Musika espainola, adibidez, flamenkoa soilik al da? Ba euskaraz ere egiten da, trikitiaz gain, rock-a, punk-a, patxanga, reggaea, hip-hopa, pop-a... Niri hau gustatuko zait eta zuri bestea, taberna honi hau eta hari hura.
Zergatik gutxiesten dugu euskara? Zergatik uste dugu ez dela musika egiteko gai? Tabernetan euskarazko musika aldarrikatzen dugu guk, nazkatuta gaudelako Euskal Jai egunean entzuteaz euskaraz delako bakarrik, eta urte osoan zehar entzun nahi dugulako, nahi dugunean, gustatzen zaigulako, besterik gabe.

El día de la Euskal Jaia nos levantamos bien descansados o con una resaca impresionante, pero siempre con ilusión. Este domingo tiene un efecto terapéutico porque hace sentirse orgulloso al euskaldun, practicante o no. La gente que hace tiempo no ha hablado euskera se viste de baserritarra y los bares ponen música en euskera, cuando en muchos de ellos durante todo el años hemos escuchado canciones en español e inglés.
En consecuencia, encontramos el euskera solamente en unos días señalados; es triste identificar como “euskal musika” un solo tipo de música: Alaitz eta Maider, Sorotan Bele, Gozategi, … Aparte de trikitixa también se hace en euskera rock, punk, pachanga, reggae, hip-hop, pop, … Nos puede gustar una u otra.
¿Por qué menospreciamos el euskera? ¿Por qué pensamos que no vale para hacer música? Reivindicamos música en euskera en los bares, porque queremos escucharla durante todo el año, no sólo el día de la Euskal Jaia, porque nos gusta, sin más.