Ég, Gauti, Hafrún, Svava og Tryggvi gengum á Syðstusúlu 2.ágúst 2008. Við keyrðum úr bænum rétt fyrir 10 að morgni og byrjuðum að rölta þegar klukkan var að ganga 11. Við sáum ekki toppinn þegar við lögðum af stað vegna þoku en vorum vongóð að hann myndi láta sjá sig þegar liði á. Við rætur fjallsins tókum við eftir að bæði bláber og aðalbláber voru orðin þroskuð og tilbúin til tínslu. Fljótlega, þegar ofar dró hvarf þó allt lyng sem og annar gróður og möl og grjótskriður tóku við. Þá vorum við komin upp í þokubakkan og skyggnið var ekki mikið. Þegar létti til eitt augnablik sáum við þó að við höfðum farið röngu megin upp við Súlnagilið og þurftum því að snúa við og þvera það. Sem betur fer vorum við ekki komin mjög ofarlega og hægði þetta því ekki mikið á okkur. Við stefndum að því er okkur sýndist beint upp á öxlina, en sáum þó lítið. Eftir hádegisstopp tók erfið skriða á móti okkur sem við áttum í þó nokkru basli með. Við náðum þó loks upp á öxlina á fjallinu og höfðum þá gengið upp úr þokunni. þá loks var toppurinn í augnsýn. Þar eftir var gangan fremur einföld. Klukkan var 15:00 þegar við náðum toppi. Á leiðinni niður völdum við að fara niður skriðu beint ofan í Súlnadalinn en að öðru leiti var leiðin sú sama. Þokan hafði þá hörfað og við gátum horft stolt til baka á fjallið. Klukkan var um 17:00 þegar við komum niður.