今日要結束澳門勁hea之旅, 飲茶後便坐船再坐車去深圳華僑城, 下午5:00才到達華僑城, 真係勀到想即刻瞓上床. 我承認自己對華僑城係"零"期望, 連旅遊資料也懶得看, 但係從我打開房門的一刻已經知道自己錯了, 間房好大好舒服, 我喜歡它的大露台, 圓形浴缸, 睡床, 客廳...每一樣都好"正", 我哋唔想出去只係想待在房中Hea. 飯後去溫泉樂園玩真係後悔無帶泳衣被迫買咗一件唔係十分靚+好貴的泳衣, 翀爸同翀翀的泳褲只需20元, 點解女仔泳衣要貴咁多?? 因為無睇資料唔知道有溫泉, 無帶泳衣之餘連可以入水的相機都無帶, 又一次證明懶係要付出代價:< 因為天氣寒冷無帶翀翀出室外溫泉玩, 室內的溫泉水有分溫度, 我哋幾個在溫泉樂園玩到傻, 翀翀每個池都有入去玩, 同兩個表哥在水中玩波開心到不停笑, 結果我比奶奶哦咗好耐11點先捨得走, 返到房一家三口浸在圓形浴缸中真係幾似去咗歐洲. ^^