眨吓眼展翀已經三個月大, Touch Wood佢都算乖仔, 食奶便便都okay. 每朝起身最開心, 成日要人陪佢傾計同玩. 不過有時下午瞓醒覺都仲係喊得好勁, 要人抱抱, 希望佢快啲戒甩啦! 仲有就係希望佢食多啲人奶, 我已經日日飲魚湯和鮮奶, 食到自己肥晒, 唔好浪費我的心血就好啦! 這個月很忙碌, 展翀經歷了100日剃頭髮, 慶祝母親節, 學習反身和爬行. 而我就忙於上網搵學習教材, 陪翀仔傾計, 玩閃咭, 唱歌仔. 我好後悔懷孕時唔睇定多啲育兒書籍, 唔使而家先嚟睇書惡補. 雖然暫時翀仔仲要我幫佢先反到身, 爬行就更加未得, 不過他已經好叻仔, 由開始扒喺張床抬唔起個頭, 谷到面紅紅, 到而家可以抬頭四周圍望已經令我哋好開心^_^ 而家比玩具佢玩識得自己用手拎住, 又鐘意聽兒歌, 比起一個月前叻仔好多*-* 仲有就係佢好鐘意企, 抱住坐都要企起身, 我唔比佢企係唔想屈曲佢對腳, 大個仔”O”字腳就唔好啦!