Jöklasel - Hveragil - Kverkfjöll - Jökulheimar maí 2004
Föstudagseftirmiðdag 21. maí lögðum við af stað austur í Jöklasel við rætur Skálafellsjökuls. Í ferðinni voru Bolli og Hrafnhildur, Skúli og Sigurlaug, Rikki, Jón og Þóra og Emil og Raymond. Í Jöklaseli voru auk okkar fjórir ferðalangar í Pajeróklúbbi. Um kvöldið kom stór hópur fólks af jökli sem búið var að vera í tómu basli og á laugardagsmorgunn komu fleiri sem tjaldið hafði fokið ofan af við Hveragil. Það var því ekki alveg tíðindalsust. Á laugardagsmorgunn héldum við auk Pejeróklúbbsins frá Jöklaseli í Hveragil í bað og þaðan aftur upp á jökul. Lentum í tímafreku spileríi og effelgunum á leið til baka upp á jökul. Þar skildu leiðir og fórum við niður Dyngjujökul og áfram í Sigurðarskála. Ætluðum niður Löngufönn en hættum við vegna þoku á þeirri leið. Um nóttina vorum við vakin upp af hjálparsveitarmönnum sem svipuðust eftir mönnum á hvítum Willis sem ekkert hafði spurst til í sólarhring. Þeir fundust svo við Grímsvötn snemma morguns. Undir hádegi á sunnudag lögðum við af stað aftur sömu leið upp á jökul og komum við í Grímsvötnum á leið heim um Jökulheima. Færið var að jafnaði gott allan tímann, þó var það nokkuð strembið á köflum á leið í Grímsvötn, sem lá vestan og samsíða Kverkfjallahrygg. Auk þess var hún hundleiðinleg og þreytandi á leið í Jökulheima. Fleiri myndir hjá BM, sem var ásamt félögum á sömu slóðum.