Ákváðum að skjótast í kaffi í Þórsmörk 3. dag jóla. Veður var með afbrigðum gott, um 5 gráðu frost í Þórsmörk, mun mildara en á Hvolsvelli. Það var um 15 cm jafnfallinn snjór í Þórsmörk og brakaði undir fótum. Færið var létt, áttum jafnvel von á að hitta Yaris innfrá en svo var þó ekki. Komum við í Stakkholtsgjá, áðum í Básum og litum svo við í Húsadal eftir að hafa kannað færi yfir Markarfljót. Á leið til baka könnuðum við snjóalög á Hamragarðaheiði, slóðanum á leið upp á Eyjafjallajökul. Þar var föl svo langt sem augað eygði. Komum í Bæinn aftur um kl. 18.30. Myndir tók Halldór Jónsson nema þær sem merktar eru Jóni Sverri eða Rikka.

A short tour to Thorsmork.