Bíltúr okkar Rikka (og Pjakks) föstudaginn 12. júní 2009 frá Esjumelum, um Svínaskarð til Kjósar, þaðan sem við fórum um Kjósarskarð til Mosfellsheiðar og til baka heim í Mosfellsbæ. Þegar komið er niður Svínadal til Kjósar blasir Vindáshlíð við framundan. Mjög mikið hefur runnið úr vegslóðanum á leið upp að vörðu á háheiðinni og urðum við af og til að læsa báðum drifum til að komast áfram vegna stórgrýtis og djúpra úrrennsla. Þá er slóðin niður af heiðinni, niður í svínadal einnig grýtt og laus í sér, en stórvandræðalaus. Að okkar mati hefði líklega ekki þýtt að fara þessa leið í hina áttina. Ferðin tók um 3 klst. Mjög góða lýsingu á leiðinni eða hluta hennar er að finna á vefsíðu Ferlis.