Sumarferð okkar fjölskyldnanna 6 lá um Landsveit og nágrenni sumarið 2009, á svæðinu kringum herrasetur Skúla og Sigurlaugar neðan Leirubakka. Ferðin hófst föstudagskvöldið 17. júlí og lauk að morgni þess tuttugusta og fjórða. Í ferðinni litum við í hellunum að Hellum, ókum til Lambhaga (sem á víst að sökkva), til Skarfaness, siluðumst um Selsund og þröng sund Heklu (sem voru ótrúleg). Einnig gengum við á Skarðsfjall og Hrossahnúka, hjóluðum frá gömlu Markarfljótsbrúnni til Þórsmerkur og fengum leiðsögn verktaka um Bakkafjöru. Þá heimsóttum við einnig Gunnarsholt, Sólheima og tamningastöð í Votmúla, þar sem við fengum leiðsögn góðra manna á öllum stöðum. Síðasta daginn gengu sumir á Heklu meðan aðrir fóru til silungsveiða í Frostastaðavatni og veiddu ekkert. Hrafnhildur hjólaði um Skarfanes til Skarðs.