Sumarferð okkar BÍP-ara hófst að þessu sinni á þjóðhátíðardaginn, 17. júní, og lá leið okkar sömu leið og sl. sumar; í Trékyllisvík á Ströndum, þar sem við leigðum skóla héraðsins á Finnbogastöðum. Við vissum fyrirfram að við yrðum í fyrra fallinu á ferðinni enda kom á daginn að við fengum allar tegundir veðurs, það snjóaði m.a. í fjöllin í kring, 4°c stiga hiti var í byggð, en einnig fengum við allt frá mildu og góðu veðri til steikjandi hita undir sól og bláum himni. Ferðalangar hjóluðu um allar trissur, Hrafnhildur þó sýnu mest, um 160 km í allt og reyndi enginn að standa henni á sporði í þeim efnum. Við hjóluðum nokkrar ferðir frá Finnabogastöðum inn í Norðurfjörð, en einnig inn í Ingólfsfjörð og áfram til Ófeifsfjarðar og til baka og höfðu heimamenn á orði að það hefði nú enginn þar gert til þessa. Einnig hjóluðum við inn að Gjögri og til baka og Hrafnhildur hjólaði ein inn í Djúpuvík. Svona var þetta í ár! Að sjálfsögðu gáfum við okkur tíma til að elda góðan mat enda er það einn mikilvægasti þáttur ferða okkar; að eta og drekka. Myndir tóku vel flestir hópmeðlimir til skiptis.
From our short vacation to Strandir; the east cost area of the West Fjords in Iceland. More details about the area, take a look at these two websites: Explore Iceland and Nordic Adventure Travel.