Einar Gylfa í EG húsgögnum boðaði til dagsferðar með starfsfólki sínu, fjölskyldum og nokkrum ferðafélögum. Ferðinni var heitið austur í Rangárvallasýslu, austur fyrir Hellu þaðan sem ekið var upp Keldnaafleggjarann frá þjóðvegi 1 og inn á S-Fjallabak. Ekið var með Skógshrauni, sunnan og austan Hafrafells og með Langvíuhrauni og Laufahrauni, í Rangárbotna, Blesumýri, Hungurfit, Faxagil, Kringlumýri, Þverárbotna, Mosfellsbætur og að Lifrarfjöllum, en þar skammt undan er ekið um hið skemmtilega og þrönga Þverárgil, sem margir þekkja. Komið var við í skútanum, sem Hellrir er nefndur en síðan var ekið að Bólstað, efst í Fljótshlíð, þar sem grillað var áður en haldið var heim á leið.

Haldið var af stað frá Rauðavatni kl. 9 og komið aftur til Reykjavíkur um 18.30. Fróðleik um svæðið má meðal annars nálgast í þessu skjali (pdf) á vef Óbyggðanefndar ríkisins HÉR, bls 12 og áfram.