Dagsferð sem frænka mín frá Bandaríkjunum, Laura Fitzpatrick, og Mandy dóttir hennar, fóru með okkur Eyju í á Langjökul ásamt Ragnari Th. og Ásdísi og vinahjónum þeirra, Karenu Thorsteinsson og Þorsteini Elí Halldórssyni. Fórum til Þingvalla og síðan um Kaldadal. Á leiðinni voru að minnsta kosti fjórir stórir hópar hestamanna á ferð, hver með um 30 hross, á leið til ýmissa áfangastaða. Hittum m.a. Finn Ingólfsson sem var, ásamt sínum vinum, að hefja 6 daga ferð á leið í sleppingar, þar sem Löngufjörur voru meðal áfangastaða.
Frá Þjófakróki héldum við sem leið lá í Flosaskarð, þar sem meiningin var að líta á hellinn, stöðvuðum um 1 km frá hellinum og hugðumst ganga rest, en vegna mikillar aurbleytu snérum við frá, héldum í Þursaborg og þaðan í Skálpanes. Eyja sat á snjóþotunni allt fá Flosaskarði að Þursaborg og þaðan sleitulaust í Skálpanes, utan 10 mínútur meðan Laura tók áskorun okkar um að prófa. Veðrið var hreint frábært, en færið svona svona, fremur þungt, 2-3 pund og 20-30 km hraði.