Helgina 2. - 4. maí fórum við á fjórum bílum; Jón Sverrir og Þóra, Bolli, Hrafnhildur og Egill Logi, Skúli og Sigurlaug og Einar Gylfa og Steini, í Hrauneyjar, þar sem við gistum aðfararnótt 3. maí. Það snjóaði um kvöldið og nóttina. Morguninn eftir lögðum við af stað í Jökulheima, en ferðinni var heitið þaðan upp Vonarskarð, norður fyrir Tungnafellsjökul og ætlunin að gista í Nýjadal. Frá Hrauneyjum í Nýjadal eru um 155 km. Það rigndi nánast alla leið í Jökulheima, þangað sem við komum 4,5 klst. síðar eftir nokkrar festur vegna krapa. Tókum þar þá ákvörðun að snúa til baka og eyða kvöldinu frekar á Rjúpnavöllum í Landsveit, þar sem Björn Halldórsson hefur komið upp frábærri aðstöðu, hrein snilld þótt enginn sé potturinn. Glæsileg ferð þegar upp er staðið. Vonarskarð bíður um sinn.