Í lok júní fórum við ferðafélagar (án barna) í Grímsvötn. Lagt var af stað á föstudegi frá Reykjavík um kl. 13 og haldið til Hrauneyja. Þar tókum við eldsneyti og héldum að því búnu áfram til Jökulheima. Þar var beðið um stund eftir Bessa, sem var að bóna þegar lagt var af stað úr bænum. Þau Bessi og Inger birtust von bráðar og var því haldið af stað á ný. Einn úr hópnum, Rikki (sem nú kveður okkur í bili því hann er að fara til Afghanistan á vegum Íslensku friðargæslunnar) hélt í Jökulheima daginn áður til að kanna aðstæður og finna heppilegt vað yfir Tungnaá. Áin var algerlega ófær á fimmtudeginum en góð morguninn eftir. Þegar við komuð að vaðinu um kl. 17.30 hafði vaxið mikið frá því um morguninn en var þó vel fær. Ferðin í Grímsvötn gekk áfallalaust fyrir sig, aðeins þurfti að kippa tvisvar vegna krapa og var komið á áfangastað um miðnætti. Á laugardagsmorgunn var haldið af stað í átt til Kverkfjalla en vegna þoku var snúið við á lokasprettinum. Á sunnudag var á leið heim komið við hjá vestari Svíahnúk, ekið yfir Háubungu og áð hjá Pálsfjalli. Tungnaá var óárennileg tilsýndar og viðbúið að hinkra þyrfti fram eftir kvöldi áður en haldið yrði yfir. En Rikki fann á snilldarlegan hátt greiðfæra leið, svo góða, að allsendis óspennandi var að aka yfir ána. Þetta var góð ferð! Allar myndir eru eftir Halldór Jónsson JR. SJÁ NÁNAR Vatnajökul

About the glaciers in Iceland: HERE