Í apríl 2002 héldu nokkrir félagar norður til Akureyrar. Ætlunin var að fara þaðan á föstudagsmorgni upp á Sprengisand og allt til Laugafells. Sökum krapa var horfið frá þeirri ætlan og gripið til varaáætlunar. Ekið var til baka og nú til Varmahlíðar og var ætlunin að fara þaðan upp. Þegar komið var þangað bárust enn meiri krapafréttir og var því horfið frá þessari áætlun einnig. Nú voru góð ráð dýr; ferðalagið var að breytast í ,,Þjóðvegaferðina miklu"! Plan C var ákveðið. Haldið var á ný til Akureyrar og áfram inn á Flateyjardal í Fjörðum. Áður var haft samband við landeigendur til að fá leyfi. Það var góðfúslega veitt með því skilyrði að við héldum okkur á snjó en hyrfum ella frá. Það tókst með ótrúlegum krókaleiðum, sem gerði ferðina aðeins eftirminnilegri en ella - en við vorum vissulega á síðasta snúningi. Líklegt er að aðeins nokkrum dögum eftir veru okkar á þessum slóðum hafi verið orðið ófært vegna aurbleytu. Með þolinmæði tókst okkur að sneiða hjá henni og halda okkur á snjó. Eitt aðalmarkmið ferðarinnar var þó ekki að aka endalaust (þótt litlu mætti muna að svo færi) heldur að koma sér burt úr bænum, slaka á og eta góðan mat - það tókst með sóma!

A trip to Flateyjardalur, a desolated valley in Fjörður in North Iceland. See the area of Akureyri, the main village in North Iceland HERE. Also information about walking tours in Fjörður and the area around HERE.