Við Hrafnhildur fórum ásamt Agli Loga, Pjakki (P. Lúkasi Pálssyni), Bessa, Inger, Rikka, systkinunum Guttormi og Unu, systurbörnum Rikka, og feðgunum Steini og Símoni, í göngu um Fimmvörðuháls laugardaginn 27. júní. Lögðum upp frá Skógum. Á þessari leið gengu þennan dag líklega á þriðja hundrað manns á eigin vegum, með Ferðafélaginu og fleirum. Það var bara notalegt. Þetta er nokkuð erfið leið en ákaflega falleg. Þeir fóstbræður, Egill og Pjakkur stóðu sig eins og hetjur. Næst er það Leggjarbrjótur!