Við vorum um 20 manns sem ætluðum á 7 bílum í Emstrur helgina 12. - 14. september 2003. En vegna slæmrar veðurspár hrundu ferðafélagarnir af okkur eins og flugur og á endanum stóðum við uppi tveir, ég og Rikki. Reyndar féll svo bíll Rikka úr skaftinu þegar komið var til Selfoss og héldum við því áfram á einum bíl. Lega gaf sig í framhjóli og eftir á að hyggja mátti búast við slíku þar sem bíllinn hafði staðið inni í skúr óhreyfður í 14 mánuði.

Við áðum á Hvolsvelli og ókum svo beint í Emstrur í Botnum. Um nóttina gerði aftakaveður og lék allt á reiðiskjálfi. Á laugardagmorgni hafði lægt mjög en gekk þó á með hriðjum og rigningu framan af. Síðan létti til, vindinn lægði og mátti víða sjá í bláan himinn. Við héldum nú af stað inn á forna leið til Þórsmerkur í þeim erindum að sækja gamla bílhluti sem skildir höfðu verið eftir í áranna rás í frægri brekku. Þegar til kom reyndist aðeins einn kamb að finna, sem fer á minjasafn Arctic Trucks. Var þá snúið við og haldið til Hvanngils og áfram hjá Álftavatni og Hungurfit og áfram í Krók og á ný niður Fljótshlíð á leið heim til borgarinnar. Og nú er kallinn hann Rikki eins og nýhreinsaður hundur eftir Afghanistandvölina!

A short night over trip from Reykjavik to Emstrur and the surrounds areas.