Ferð á vegum Arctic Trucks 12. apríl fyrir námskeiðsnemendur, vini og velunnara. Þátt tóku fjölskyldur á 18 bílum. Lagt var af stað kl. 10 frá Arctic Trucks og ekið til Hveradala og ekið að skála skáta sunnan þjóðvegar 1 við Hveradali (gegnt Skíðaskálanum). Þaðan inn í Lakadal og um Nyrðri-Eldborg til Litla-Meitils og áð í Einarslundi. Síðan var ekið yfir Þrengslaveg og með Sandfelli og Geitfelli til Hrossahryggja. Þaðan með Heiðartoppi til Litla-Kóngsfells og til Miðbolla og austur með Stórabolla og niður af heiðinni sunnan Kristjánsdals, um Grindarskörð, og niður á Bláfjallaveg (Hafnarfjörður-Bláfjöll), skammt frá sæluhúsi sem þar er við veginn.