Ásdís Guðrún Kjartansdóttir fæddist 8. júní 1930 í Reykjavík og lést á Landsspítalanum að morgni 1. júlí 1999. Foreldrar hennar voru Kjartan Reynir Pétursson, f. 4.1. 1907, sjómaður og stýrimaður í Reykjavík, d. 1.12. 1930 er togarinn Apríl fórst, og kona hans, Valgerður Sigurgeirsdóttir, f. 18.7. 1906, d. 16.8. 1984. Ásdís ólst upp frá eins árs aldri hjá föðurforeldrum sínum, Pétri Sigurðssyni, trésmiði og sjómanni, og konu hans Guðrúnu Gróu Jónsdóttur, og föðursystur sinni, Friðmeyju Ósk, fyrstu árin á Vesturgötu 51 og síðan á Hávallagötu 51. Alsystkini Ásdísar eru Valborg Sigurey, f. 4.7. 1931, gift Stan Clark, f. 6.2. 1928, d. 11.5. 1998, búsett í Bandaríkjunum, og Kjartan Reynir Pétur, f. 4.7. 1931, d. 9.6. 1984, var kvæntur Sjöfn Janusdóttur (skildu) og síðar Elvu Steinsdóttur (skildu). Valgerður, móðir Ásdísar, giftist 1944 Ólafi Halldórssyni, bifreiðastjóra frá Varmá, og eignaðist með honum tvær dætur, Erlu Ólöfu, f. 24.10. 1945, gift Garðari Siggeirssyni, kaupmanni, og Halldóru Þorbjörgu, f. 27.5. 1951, gift Kristni Guðmundssyni, veitingastjóra. Eftir að Ásdís lauk kvennaskólaprófi 1948 starfaði hún fyrst á skrifstofu Ræsis hf., og síðar á skrifstofu Véladeildar SÍS við Hringbraut. Eftir að hún giftist lauk hún kennaraprófi frá KÍ 1967 og BA-prófi í dönsku og norsku frá HÍ 1978. Hún tók leiðsögumannspróf 1973 og vann mörg sumur sem leiðsögumaður erlendra ferðamanna. Hún var kennari við Barna- og Gagnfræðaskólann í Hveragerði 1967¬1977, við Iðnskólann á Selfossi, framhaldsdeildir gagnfræðaskólanna á Selfossi og í Hveragerði og Öldungadeildina í Hveragerði 1977¬1981 og við Fjölbrautaskóla Suðurlands, Selfossi, frá 1981 þar til haustið 1994, að hún sagði upp stöðu sinni vegna veikinda. Eftir það dvaldi hún fyrst heima við, en er veikindin ágerðust lagðist hún inn á sjúkrahús og dvaldi síðustu árin á Hjúkrunarheimilinu Skjóli í Reykjavík. Ásdís giftist 22. ágúst 1952 Valgarði Runólfssyni, f. 24. apríl 1927, fyrrv. skólastjóra Barna- og Gagnfræðaskólans í Hveragerði og framkvæmdastjóra Ferða- og upplýsingaþjónustu fyrir ferðafólk í Hveragerði. Foreldrar hans voru Runólfur Kjartansson, frá Holti á Síðu, V-Skaft., f. 30.11. 1889, d. 23.4. 1961, kaupmaður í Parísarbúðinni í Reykjavík, og kona hans, Lára Guðmundsdóttir frá Lómatjörn í Höfðahverfi, S-Þing., f. 31.10. 1896, d. 10.1. 1968. Börn Ásdísar og Valgarðs eru: 1) Vera Ósk, f. 3.2. 1953, frönskukennari við Fjölbrautaskóla Suðurlands, Selfossi; gift Guðjóni Sigurðssyni, skólastjóra Grunnskólans í Hveragerði; börn þeirra a) Júlía Valva, f.v. maki: Torfi Pálsson, íþróttakennari, dóttir þeirra: Fanney Sif; b) Þórhildur Rún, maki: Jógvan Hansen, hárgreiðslumeistari, og c) Sigurður Gísli; 2) Kjartan Valgarð, f. 13.7. 1957, markaðsstjóri Gámaþjónustunnar í Rvík, maki: Nína Helgadóttir, verkefnisstjóri á alþjóðasviði hjá Rauða krossi Íslands, börn þeirra: a) Hallgrímur og b) Ásdís; 3) lítil dóttir, Lára, dó í fæðingu 1958; og 4) Bolli Runólfur, f. 18.12. 1961, ráðgjafi hjá GCI (Grey Communications International) í Rvk., kvæntur Hrafnhildi Hauksdóttur, verkefnastjóra hjá Arctic Trucks, börn þeirra: a) Eyja Eydal, stjúpdóttir, og b) Egill Logi. Útför Ásdísar var gerð fimmtudaginn 8. júlí 1999 frá Fossvogskirkju.