Frá Kenya héldum við með rútu til Tanzaniu. Við gistum eina nótt í Moshi, litlum bæ við rætur Kilimanjaro, en fórum þaðan daginn eftir til Ngorongoro, sem er gígur, um 20 km í þvermál. Þar er mjög fjölskrúðugt dýralíf. Næsta dag fórum við svo í Serengeti-þjóðgarðinn, sem er tæplega 14.800 ferkílómetrar að stærð og ekki með síðra dýralíf. Á þessum stöðum gistum við í tjöldum og ókum um á daginn og skoðuðum náttúruna í öllu sínu veldi.