Belakitzarrak koadrilaren karroza


ETXEBIZITZARIK NAHI???

Zatoz ba, zure neurriko jokoa hemen duzu eta. Hasi orduko, etxean bizi zaitezke baina ez da zeurea izango. Urteetan zehar, zenbait arazo:

• Bankuarekin ezkondu beharko zara
• Euriborraren “gora-gorak”, goragalea emango dizu
• Hil bukaerara iristeko abentura handiak pairatuko dituzu
• Edota jubilatzen zarenean ere ezingo zara lasai bizi!

Baina adi, jokoa ez baita hemen amaitzen! Oraindik bizirik jarraitzen baduzu, etxea zurea izango da. ZORIONTSU???

Hala ere, badaukazu ez jokatzea, baina horretarako irtenbideak bilatu beharko dituzu. Zure gurasoen etxean bizi zaitezke, ahal baduzu behintzat. Bestela, “Demokrazia” honetako agintariei, eskubidea dena ez ordainaraztea eska diezaiekezu, baita alokairu baldintza duinak ere. Azkenik, lagun batzuekin elkartu eta etxe huts bat ere okupa dezakezu, horretarako antolatu eta borrokatuz.

Zuk erabaki zer egin. JOKATU NAHI???


Belakitzarrak